NOR GARA
1994an, Seaskak pedagogia formakuntzarako zentro bat sortzea erabaki zuen, CFP SEASKA elkartea izendatu zuten.
Helburua euskarazko formakuntza mota guztiak sortzea da, herritar, irakasle eta hezitzaile euskaldunentzat beharrezkoak diren ahalmen eta gaitasun guztiak garatu ahal izateko.
IKASTOLAN ESKOLATZEAK HAUR EUSKALDUNARI BETETASUNERA HELTZEN LAGUNDU BEHAR DIO ETA, HALABER, ARDURADUN ETA HERRITAR IZAITEN. (Seaskaren Helburuak – 1995ko otsaila)
GURE FORMAKUNTZAK
Seaskako pedagogia zerbitzuekin elkarlanean, CFP Seaska ikastoletako irakasleen (lehen maila, bigarren maila), langileen eta burrasoen formakuntza jarraikiaz arduratzen da.
Formakuntza bakoitzak bere maketa du, lehen formakuntza egunetan banatua eta aurkeztua dena. Katalogoa eskugarri dago eskaera emailez eginez seaska@ikastola.eus helbiderat idatziz. Katalogo horretan, modalitateak, helburuak, aurretiazko baldintzak, edukiak, bitarteko pedagogikoak eta ebaluazioa zehazten dira.
Gaur egun eskaintzen diren Lehen Mailarako formakuntzen katalogoa eskuratuko duzu hemen klikatuz eta Bigarren Mailarako formakuntzen katalagoa ukanen duzu hemen klikatuz
Formakuntzaren bukaeran, Formakuntza agiria emango zaio ikasdunari.
Elbarritasun bat duten pertsonak Maider DUHALDEkin (05.59.52.49.24 edo maduhalde@seaska.eus ) harremanetan jartzea gonbidatzen ditugu, formakuntza jarraitzeko egokitze aukerak elgarrekin aztertzeko.
GURE FORMAKUNTZAK ZENBAKI BATZUEN BIDEZ
Lehen eta bigarren hezkuntzako erakasleen formakuntza jarraikian, 2024ko omiasainduko oporretan:
- 8 formakuntza eginda – 88 partehartzaile
- Gogobetetze tasa : % 90,3
- Helburuek lortutako tasa :
| Lortua | 56,85 % |
| Bidean | 37,19 % |
| Ez lortua | 5,95 % |
GURE PARTAIDEAK
CFP Seaska ISLRFko (Frantziar Errepublikako Hizkuntzen Goi Institutua) kide da, 1996tik, murgiltze irakaskuntzako bost sareetako formakuntza zentroak biltzen ditu.
HEZHI
Seaskak HEZHI proiektuaren laguntza ukan du.
HEZHI proiektua (EFA 158-04) Europar Batasunak batera finantzatu du –% 65– AFOMEF POCTEFA deialdiaren Interreg VI-A Espainia-Frantzia-Andorra Programaren (POCTEFA 2021-2027) bidez. POCTEFAren helburua da Espainia-Frantzia-Andorrako mugaz gaindiko eremuan integrazio ekonomikoa eta soziala indartzea.
Le projet HEZHI (EFA 158-04) a été cofinancé à 65 % par l’Union européenne à travers l’appel à projets AFOMEF POCTEFA du Programme Interreg VI-A Espagne-France-Andorre (POCTEFA 2021-2027). L’objectif du POCTEFA est de renforcer l’intégration économique et sociale de la zone frontalière Espagne-France-Andorre.
