Skip to main content

Formakuntzak

logo afomef
Formakuntzak eskema

 

 

 

 

 

 

 

 

NOR GARA

1994an, Seaskak formakuntza pedagogikorako zentro bat sortzea erabaki zuen, 1901eko lege elkartea, GAITU CFP SEASKA deitua. Helburua da euskarazko formakuntza mota guziak plantan ezartzea, Ikastola eta Seaskako kide diren irakasle eta hezitzaile euskaldunentzat beharrezkoak diren jarrera eta gaitasun guziak garatzeko.

 

Formakuntza jarduerak 

Seaskako pedagogia zerbitzuekin partaidetzan, gaur egun GAITU CFP SEASKAk lehen eta bigarren mailako irakasleen formakuntza jarraikia segurtatzen du.
Helburua Seaskan (euskarazko murgiltze eskola) diren publiko ezberdinei formakuntza ezberdinak eskaintzea da : lehen eta bigarren mailako irakasleak, eskoletako langileak (hezitzaileak, AESH), bigarren mailakoak (ikastetxe zuzendaria, CPE, eskola bizitza, idazkaria, kontularia...), SEASKA federazioko langileak (idazkaritza, kondularitza, hezitzaileak, psikologoak, hezitzaileak...) eta boluntarioak (ikastoletako bulegoak osatzen dituzten gurasoak).

IKASTOLAN ESKOLATZEAK HAUR EUSKALDUNARI BETETASUNERA HELTZEN LAGUNDU BEHAR DIO ETA, HALABER, ARDURADUN ETA HERRITAR IZAITEN. (Seaskaren Helburuak – 1995ko otsaila)

Formakuntzak

PROPOSATUAK DIREN FORMAKUNTZAK

HASTAPENEKO FORMAKUNTZA

Kontratatutako irakasleen formakuntza antolatzen du GAITU SEASKAk  (hitzarmen baten plantan ezartzea). Formakuntza derrigorrezkoa da Seaskan titulatu aitzineko irakasle guziendako. 

  • Hastapeneko LMko formakuntza.  Lehen mailako irakaslea ordezkoa da ikastola batean. 4 urtez formakuntza teoriko bat eta jarraipen bat ukan ditu, bere ikasgelan praktikatzeari buruzko zurkaitzgoa.   

  • BM.Ordezkoen formakuntza. Irakaslea ordezko postu batean da, kolegioan edo lizeoan. Lehen 2 urte hauetan formakuntza teorikoa eta segimendua ukan ditu, ikasgelan bere praktikari buruzko zurkaitzgoa.

  • Lehen mailako irakasleendako, CRPE konkurtsoa prestatzeko formakuntza bat ere proposatua da.

Seaskak ordezkoak beren lanpostuan izendatzen dituen orduko, irakasleak formakuntzan izena emana du automatikoki.

Formakuntzaren abiatzea : formakuntza sartze aitzineko astean hasten da. 

  • Izen emaiteen baliozkotzea formakuntzaren lehen egunean : presentziak izen emaitea balio du.

  • Formakuntza kontratuaren izenpetzea, barne araudia.

 

 

Formakuntzak

FORMAKUNTZA JARRAIKIA 

Urtero galdetegi bat ezartzen du Seaskako zuzendaritza pedagogikoko taldeak. Galdetegi horrek irakasleen beharrak eta kezkak identifikatzea ahalbidetzen du.

Seaskako pedagogia arduradunek, behar ezberdinak tratatu ondoren, GAITU SEASKAri formakuntza eskaera eginarazten diote.

Formakuntza eskaintza baten proposamena egina da. Argitalpen bat egina da ikastola guzien mailan, gaia, egun kopurua, helburuak, edukiak eta moldeak biltzen dituena... (Katalogo mota).

Izen emaiteen abiatzea (izen emaite fitxa).

  • Izen emaite aski : 
    Taldeen osaketa
    Formakuntzen abiatzea

  • Bestela : Jarraipen indibiduala 

  • EDO hurrengo urtera atzeratu.

 

GURE PARTAIDEAK

CFP Seaska ISLRFko (Frantziar Errepublikako Hizkuntzen Goi Institutua) kide da, 1996tik, murgiltze irakaskuntzako bost sareetako formakuntza zentroak biltzen ditu.

HEZHI

Seaskak HEZHI proiektuaren laguntza ukan du.

HEZHI – Hezkuntza arloan eleaniztasuna sustatu

HEZHI proiektuak lurraldeko hizkuntzen irakaskuntza eta ikaskuntza sustatzen ditu, hizkuntza-oztopoak murriztuz eta mugaz gaindiko lankidetza, mugikortasuna eta integrazioa errazteko.

Proiektua ideia batetik abiatzen da: lurraldeko hizkuntza-aniztasuna aberastasuna da, baina erronka ere izan daiteke hizkuntzen ikasteko aukera-berdintasunari dagokionez. Euskara, frantsesa eta gaztelera ez dira modu homogeneo batean irakasten ez erabiltzen Euroeskualdean, eta horrek irakaskuntza eremu koherente baten eraikuntza mugatzen du.‑eremu

HEZHIk hezkuntza eredu eleaniztunei buruzko ikerketa eta hedapena sustatzen du, hizkuntza formakuntza programa berrien baita hizkuntza eta kultura edukietan oinarritzen diren eskola eta eskolaz kanpoko trukaketa programa berrien sortzea ere.‑eredu

Proiektu berritzaile honek lau ekintza nagusi ditu :

  1. Jardunbide egokiak identifikatuz eta bisiten bitartez mugako lurraldeetako hezkuntza eleaniztuneko marko teoriko‑praktikoa sortzea.
  2. Irakasleen eta hezkuntzako profesionalen formakuntza eleaniztuna garatzea.
  3. Baliabide pedagogikoak eta komunikazio‑baliabideak sortzea.
  4. Hezkuntza‑mugikortasuneko dispositiboak garatzea eta sustatzea.

Partaideak eta kooperazio sarea

HEZHI proiektua, Akitania‑Berria Euskadi Nafarroa Euroeskualdeak koordinatzen du eta lurraldeko gobernuek (Eusko Jaurlaritza, Nafarroako Gobernua), goi‑mailako irakaskuntzako erakundeek (Euskal Herriko Unibertsitatea – UPV/EHU, Mondragon Unibertsitatea – HUHEZI, Bordeaux Montagne Unibertsitatea) eta tokian tokiko heziketa‑erakundeek eta erakunde kulturalek (Euskal Herriko Ikastolak, Seaska, Euskal Kultur Elkartea  – EKE) parte hartzen dute.

Proiektua hezkuntza eta hizkuntza politiketan adituak diren kideen sare batean oinarritzen da ere : Pirinio Atlantikoetako Departamenduko Kontseilua (CD64), Gipuzkoako Foru Aldundia, IKAS‑BI elkartea, Larrun Eskola ikastetxea eta Bordeleko Errektoretza.

Partzuergo orekatu horri esker, mugaz gaindiko espazioan eleaniztasunak dituen erronken aurrean ikuspegi transbertsala eta kolaboratiboa garatu daiteke.

Anbizio handiko ekimen hori koordinatuz, Euroeskualdeak mugaz gaindiko lankidetza indartzeko eta hezkuntzaren kohesio eta berrikuntzaren onerako eleaniztasuna sustatzeko duen eginkizun nagusia berresten du.

Kofinantzaketa europarra

HEZHI proiektuaren (EFA158-04) % 65 Europar Batasunaren laguntzarekin finantzatu da Interreg VI-A España-Francia-Andorra (POCTEFA 2021-2027) programako AFOMEF POCTEFA deialdiaren bitartez. POCTEFAren helburua mugaz gaindiko Espainia‑Frantzia‑Andorra eremuan integrazio ekonomiko eta soziala sendotzea da.

HEZHIk lau urteko iraupena izango du, hiru ikasturte, 2025eko irailetik aurrera, eta guztira 3.099.609,35 €‑ko aurrekontua du, horietarik 2.014.746,08 € Europar Batasunak eskainiak.

AFOMEF logoa