Hiztegia baino haratago, jakin, buraso gisa, haurraren motibazio-iturririk garrantzitsuenetarikoak zaretela: transmisioa eta afektibitatea lotzen dituzue. Haurrak euskaraz zuekin biziko duenak, bizi-espazio desberdinetan, beste dimentsio bat hartuko du berebaitan.
Egun Bat Ama Ikastolan egitasmoaren xede nagusia haurra euskaraz loratzen laguntzea da. Afixa ludiko batean oinarriturik, haurra bere egunerokotasunean segitzen ahalko duzue buraso gisa, zuen laguntza hobeki zedarrituz eta iraunaraziz. Hiztegia aberastea izan daiteke urrats konkretu bat, besteak beste. Horra azpian euskara aberasteko baliabide gehiago ! KLIKATU IRUDIETAN !
MARRAZKIA - © CLEMENCE ITSSAGA
MARRAZKIA - © CLEMENCE ITSSAGA
Hiztegi ttipia
Hitz berriak arloka barneratzeko. Eskuetan duzu sakeleko hiztegi bilduma berritua. Euskarri ludiko horiek hogeitahamar gairen unibertsoak jorratzen dituzte euskararen erabilera sustatzeko xedez.
https://www.mintzaira.fr/fr/ressources/lexiques-thematiques.html
AEK
Euskaraz alfabetatzeko eta hobetzeko, mintzapraktiketan elkartzeko.
https://www.aek.eus/fr/services/cours-de-basque
Ikastolan
Ikastolak euskarazko oxigeno-burbuila izan nahi du (gehienetan eremu erdaldunean finkatua), ikasgelatik aire-hartzeko eremura, haurra euskaraz aberastuz arlo desberdinetan.
Ikastolako eremuan euskaraz eginez, talde profesionalaren lana errespetatzeaz gain, zuen haurraren euskarazko eraikuntzan funtsezkoa den espazioa ere bermatzen duzue, bertan zuek ere erreferente izanez ikasle guzientzat. Ikastolako elkarte-bizitzan ere euskaraz parte-hartuz. Azkenik, Ikastola eta etxearen arteko zubiak garrantzitsuak dira: azpian aurkituko dituzue ipuin eta liburuen inguruko baliabideak.
EKE
Iparraldeko Mediateka nagusiak, euskal fondoekin.
https://www.eke.eus/eu/kultur-eragileak/partaideak/cat/literatura/liburua/mediatekak
IKAS
Ikas, Iparraldeko haur-literatura argitaletxe nagusia.
http://ikas.eus/spip.php?article2927&lang=eu
ELKAR
Euskal Herri osoko liburu, disko eta filmak eskuratzeko, adin guzientzat.
https://www.elkar.eus/
Etxean
Etxea ikastolaren osagarri da: familiak duen eraginari esker, etxea bilaka daiteke ikastolaren luzapen afektiboa, haurrari euskaraz bizitzeko motibazio sakonagoak sustatuz.
Buraso gisa ekar dezakezuena etxerako lanak zaintzea baino haratago doa, bereziki ama ikastolan: euskarazko giroa oinarrizkoa izan daiteke hainbat euskarriekin, baina motibazioan eragin gehien ukanen dute haurrarekin zuzenean partekatuko dituzuen mementoek. Euskaraz gozatuz istant batez baina erregularki, zuzenean transmitituko dizkiezuen kantuek, jolasek... dimentsio berezia hartuko dute berenbaitan.
Katalogoa
Katalogoa, hainbat euskarri euskaraz, aukera berezietan oparitzeko.
https://www.katalogoa.eus/
GIZARTEAN
Garrantzitsua da ttipitatik euskarari balio sozial bat ematea: gizartean urratsak emanez bezala, euskararen presentzia aurkitzea garrantzitsua da, haurraren euskarazko sozializazioari begira.
Euskaraz emanez hitza saltegietan, administrazioan, lagunartean, auzoan... normal bihurtzen duzue, haurren begietan ere, euskara egoera anitzetan erabiltzea.
Euskarazko kultur-ekitaldiak partekatuz, euskarazko aisialdietara eramanez, euskara erabiltzeko egoera berriak eskaintzen dizkiozue, gozamena ardatz.
